गोतामेको गनगन

हाईकु लेख्न भनेर बसेको यस्ता टुक्रामात्रै निक्ले । नियममा बसेर लेख्ने कुरा मेरो वशमा नभएजस्तो छ। सुझाव अपेक्षित छ।

"गरिबिको आनन्द"

सस्तो कोठाले
पूर्ण भएको छ मेरो
लाम्खुट्टे मार्ने कला ।


"बतास"

तन छुँदाछुँदै
मन पनि धोईसकेछ
क्या मिठो बतास ।

"छुट्टी"

दुइ दिने छुट्टी
किताबहरुको माझबाट
सुटुक्क गयो।


हाइकुको जन्मभूमि घुमेपछि एउटा हाइकु तेसैको नाममा।

"क्योटो"

आदिम आँगन
शताब्दीहरु
नाच्दै बग्छन् ।

"उम्मेदवार"

कति म बोकौ
दाउराको भारी ए
बनौ कि नेता ।

"भरत केशरी"

४५ लाख पाए
लूटको धन न हो
गरौ कि स्राद्ध ।

"मनिषा"

बम्बेको भालू
नेपाल आएको छु
नाङगै नाच्न ।

Gautam ji, your comments....

गणतन्त्रजी, राम्रो लेख्दै हुनुहुन्छ। मेरो चाहि आजभोलि अलिक कम फुरिरहेको छ।
यी जाँठा दरबारियाहरुलाई त जति गाली गरपनि पुग्दैन। गाली मात्रै किन,अब यस्तो पनि लाग्दैछ, भोलि माओवादी मात्र हैन सप्पैले हतियार उठाउने दिन पनि आउनसक्छ।

आजकै प्रसंगमा;

"भाषण"

थोत्रो बोली
भित्तो समेत थोत्रै
थोत्रै दिमाग!

"भरतकेशर"

पूच्छर हो त्यो
"अखण्ड भारत"को,
राष्ट्रवादी रे?!

"माघ १९ - भाग दुई"

शैली पुरानै
जनता मरे के भो
सेना छैन र ?

"शाह वँश"

बुढो गोरु भो
मरे मरोस अब
पाल्नकै दुख ।

थोरै मान्दैन्
सबै मै खाउ भन्छ
पाल्नकै दुख ।

निरन्कुस राज्सन्स्था गएपनी मेरो बिजिनेस छँदैछनि
मलाई के को पिर छ र ? ?
म त राज पो हु त

नेपालको राजा

२००० करोड सम्पत्ति
गुन्डा सन्तति
बिष्णुको अवतार रे

चुनाब्

खै उमेद्वार ?
भोट खोज्न गयो रे
खै भोट ?
ब्यारेक भित्र छ रे
खै ब्यारेक ?
दरबारभित्र छ रे
खै दरबार ?
"प्रजातन्त्र" दिदै छ रे
खै प्रजातन्त्र ?
भरतकेसर को घर मा छ रे
खै भरतकेसर ?
पैसा लिएर बिदेश गयो रे
खै पैसा ?
हजम भयो ।

Good ones, torpeygyane and wretch.

"शाही पूजा"
-१-
हे भद्रकाली!
दल सिध्याइदेउ
बोको चढाएँ
-२-
राँगै चढाएँ
दोहोलो काढिदेउ
माओवादीको
-३-
'बुध्दि' फिराउ
'कुइरे', 'भारत' को,
सुन अर्पौँला!
-४-
सुन अर्पौँला!
राष्ट्र बैंक मेरै हो!
मेरै सुन हो!
-५-
तिम्रा मन्दिर
देशैभरि हुनेछन्
मेरै बिर्ता हो!
-६-
हे भद्रकाली!
रक्षा गर हे माता!
हे भद्रकाली!

View/Share this post only

पारस सरकार अनि उस्को बाउ

धन्य तिमी ठुलो समाज सेबक रहेछौ
मैले त तिमीलाई गुन्डा भन्ठानेको
तक्मा अलन्कार तिम्ले पाएछौ
नत्र दुनियाले पनि तिमीलाई गुन्डै भन्ठान्थ्यो
धन्य तिम्रो बाउ बाठा रहेछन्
मैले त हत्यारा भन्ठानेको
आफ्नै मोडेलको प्रजातन्त्र दिए जनतालाई
नत्र दर्बार खरानी पहिले नै भइजान्थ्यो

दामि छ गौतम जी! "शाही पूजा" १,२ र ५ त गजबै लाग्यो मलाइ!

गणतन्त्र जी को नि उस्तै रेछ, सम-सामयीक घटनाहरु राखेर लेखेको हाईकु तिख्खर हुँदो रेछ, सिजन अनुसारको तरकारी र अचार जस्तो!

रेच जी को आधुनिक ‘कुखुरि काँ’ दामि लाग्यो हे हे हे :)

"चुनाव"
-१-
मान्छे कुर्दा कुर्दै
कर्मचारी निदायो-
निन्द्रै पु-यायो।
-२-
ठ्याक्कै १ बजे-
हरियो बर्दी पस्यो,
मूठै खसाल्यो।
-३-
बाक्सा बस्या' हो!
हाल्या' जति पस्या' हो!
'भोट' खस्या' हो!
-४-
सफल भयो!
सय प्रतिशतै भो!
अन्त काँ' हुन्छ!!!

View/Share this post only

"नतिजा"
-१-
चोरले जित्यो,
जँड्याहा निर्बिरोध,
गुण्डा हा-यो रे!
-२-
होइन भाइ
सुकुलगुण्डाले जित्यो
गुण्डा हा-या भे!

"बाँकी सिटहरु"
-१-
निवेदन दिनु
'स्वच्छ', 'निष्पक्ष', 'दक्ष'
दक्षिणढोकामा!
-२-
चिठ्ठा खोलौँला
'प्रजातन्त्र' सपार्ने'
अर्को मौकामा!

View/Share this post only

Photo of the day!

"चिन्ता"

युवा बिग्रिए,
राजा त मान्नै छाडे-
जाँठ्ठाहरुले!

"युवा नीति"

जागिर दिम्ला-
मान्छे कुट्न सक्ने भे',
पढेर के हुन्छ?

"शिक्षा नीति"

उत्पादन गरौँ-
भात खाने रोबोट,
मान्छेको सट्टा।

"राष्ट्रवादी शिक्षा"

किताब खै त?
"मगाईसकेको छु
भारतबाट!"

View/Share this post only

यो धागो धेरै निदायो। लौ न साथी हो यस्सो बल गरेर माथि लानुप-यो।

"गैँडा"
जनता भन्दा-
गैँडा पो भग्यमानी
यूरोप देख्यो!

View/Share this post only